بغیر رقص کیے خاک کو اڑاتا گیا ۔۔۔ از احمد رضا
نوجوان شاعر احمد رضا کی ایک شاندار غزل بغیر رقص کیے خاک کو اڑاتا گیا
بغیر رقص کیے خاک کو اڑاتا گیا
قین طاق میں رکھ کر گماں نبھاتا گیا
یہ شاہکار بلاتا تھا رات دن مجھ کو
یہ بننا چاہتا تھا خود, سو میں بناتا گیا
وہ شہرِ حسن تھا سو واں سے جب گزر تھا مرا
جھکا کے آنکھیں ندامت سے منہ چھپاتا گیا
جو غم ملے تھے مجھے وہ تو میرے تھے ہی نہیں
یہ میرا ظرف تھا چپ چاپ بوجھ اٹھاتا گیا
حریمِ احمدِ مرسل تھا دور مجھ سے بہت
درود پڑھتا گیا, فاصلہ مٹاتا گیا
شاعر: احمد رضا
